قسمت ونصيبي
بتحاول واخده بالي
برهان ضحك وقرب اكثر وقال طب ايه مش هتديني اي حاجه عشان المحاوله تشجيع وكده يعني
قسمت اتوترت وقالت انا انا
بس برهان فاجأها لما مسك ايدها بحنيه وقال اهدي انا احم انا مقدر الي انتي فيه وعارف انك انك طبيعي تخافي مني بس بجد انا حابب ونفسي قوي نصلح علاقتنا سوا يا قسمتي
بصتلو بدموع وابتسامه وقالت بجد
ابتسم وقال جد اوي وحياة عيونك الحلوين نفسي اعوضك عن كل دقيقه اذيتك فيها هو انا زي ما قولتلك هحاول وانتي كمان يعني حاولي معايا
قسمت ضحكت وقالت حاضرر هحاول
ابتسم وقال
يلا بقى اهدي غيري الهدوم دي والبسي حاجه هنخرج بما ان ست الكل سابتنا ناخد راحتنا اسبوعين خلينا نخرج واوريكي المدينه
قسمت قالت بسعاده بجد بجد هتخرجني
جريت بسعاده وقالت هوا
برهان ضحك واتنهد بارتياح وحاسس بامل شديد في علاقتو معاها
واستمرت الايام بنهم وعدو اجمل اسبوعين عليهم فسح وخروجات واجمل اوقاتهم سوا بس كانو مبسوطين وكان برهان صابر عليها ومش بيزعلها
قسمت اتنهدت بضيق وقالت دي سابع مره تغلبني حاسه اني مش بعرف العب
برهان ضحك بشده وقال حاسه طب كويس انك لسه في مرحلة الاحساس وبعدين ما انا على طول بتغلبني عيونك وعادي اهوه
قسمت ابتسمت وقالت كلامنجي اوي يا باشا
برهان ضحك وقال الباشا مش قادر يتخطى سحرك هو انا هطول الرضا امتى ماانا اهو كيوت وبسمع الكلام
الخدامه قالت بتوتر يا باشا فيه شاب بيقول انو زميلك وصاحبك راجع من لندن وحضرتك مستنيه
ضړب على جبينه وقال ياخبر ده قايلي من اسبوعين نسيت هنزل اقابلو وارجعلك
قسمت ضحكت وهو لبس ونزل
وصل الصالون وكان مستنيه شاب في الثلاتين وقف وسلمو على بعض وقال اهلا اهلا يا امجد ليك وحشه والله
قسمت نزلت ودخلت المطبخ بقت تجهز لهم ضيافه مع الخدم
وامجد كان بيتكلم مع برهان وقال بص ياسيدي قبل ما اسافر روحت الارياف في عزبة جدي قعدت فتره وكانت فيه بنت جميله هناك كل يوم ترعى اغنامهم بجد البنت دي رقيقه وجميله انا وعدتها اني لما ارجع هروح اخطبها وانا اصلا بحبها ومش قادر انساها عايزك بقى تيجي معايا نخطبها لان اهلي رافضنها علشان من الارياف وكده
وقال تفكير عقيم انا نفسي كنت بفكر كده لحد ما ربنا هداني جاي معاك متقلقش انا اصلا يمكن اعرف اهلها لان على حسب وصفك هيه من نفس بلد مراتي
امجد قال بسرعه هيه فين مراتك صحيح متعرفناش يعني
برهان نادى لقسمت وقال قسمت قسمت تعالي
امجد قال بهمس قسمت
قسمت اخدت العصير ودخلت وهيه عيونها في الارض وحطتو على الطاوله وبرهان بيقول سلمي على امجد يا قسمت
امجد كان بيبصلها پصدمه وزهول وقسمت رفعت عنيها ليه واټصدمت بشده لما لقتو نفس الشخص الي كان عايز يتجوزها
بقم يبصو لبعض پصدمه
وامجد عيونه اتملت دموع
برهان استغرب نظراتهم وفكر شويه لما قسمت قالتلو ان الشخص الي بيحبها وبعت الجواب غايب من سنتين وامجد حكالو كمان انو بيحب بنت
قبل ما يسافر من نفس بلد قسمت وقف بسرعه وهو پيلعن غبائو وقال هو فيه ايه حد يفهمني
قسمت جريت
