قلب ارهقته الحياه بقلم هناء النمر

هى إدارة المكتب الهندسية والفنية هو وجروب المهندسين العاملين معه أما طريقة الحصول على العمل نفسه فهى مهمة عمر
وأخلاق عمر هى نقطة الخلاف الأساسية مع هدى فهى لم ولن تقبله عل حاله هذا لكنها لم تكتشف ذلك الا بعد سنين من اتمام الزواج ولم تعد تتحمل ذلك إهمال كامل لها ولابنه ليس فى حياته إلا العمل وكيفية الحصول على عقد جديد لمكتبه وكل نقاش أو بمعنى أصح شجار بينهم ليس لديه غير اسطوانة واحدة تتكرر كل مرة 

أنتى عايزة ايه دلوقتى احسن لبس وأحسن أكل واللى بتطلبيه بيجيلك ومصاريف زى

ما انتى عايزة وابنك فى احسن مدارس حتى رافضة انك تخلفى مرة تانية ومش عارف ليه خلاص سيبينى بقى اشوف مستقبلى وحياتى ولا اقعد جمبك 
واخلف تانى ليه بطريقتك دى أشك أن احنا هنكمل مع بعض اصلا
والله عايزة تطلقى وهتقولى بوالدتك ايه أن شاء الله
هذه نقطة ضعف هدى والدتها ودائما ما يستخدم ذلك لاسكاتها 
فقد أصبحت امرأة ستينية مريضة لم تعد تتحمل الصدمات ويكفيها حال هايدى المطلقة منذ سنة لن تتحمل صدمة طلاق هدى هى الأخرى خاصة أن لها سابقة طلاق أولى وبالطبع لا يعلم أحد عن زواجها وطلاقها الثانى غير صديقتها منى 
توقفت السيارة أمام منزل والدتها وارتجلت منها هى وابنها اتجه خالد لأولاد خالته الذين وجدهم يلعبون فى الحديقة 
اتجهت هدى لداخل المنزل قابلتها هدير مسرعة
ايه التأخير ده كله ياهدى انا مستنياكى من بدرى
ايه يابنتى اتهدى شوية 
الفستان تعالى شوفى آخر بروفة للفستان 
احنا موارناش غير
الفستان ياهدير كان هذا صوت والدتها من اتجاه المطبخ
إيه ياماما مش انا العروسة 
عرسة تقرض ودانك أمشى يابت على فوق ناميلك شوية عشان تبقى فايقة بليل
يووووه هو انا مفيش ورايا غير النوم 
قالت هدى هدير انا مش هشوف الفستان بس لو طلع فيه أى حاجة عريانة والله ما هخليكى تلبسيه أصل انا عارفاكى فاهمة 
فاهمة ياستى هو ده اللى انا باخده منكم 
ثم اتجهت صاعدة السلم استدارت لها والدتها وهى تقول وهى متجهة للمطبخ
تعالى بقى شوفى الحاجات اللى هنعملها 
حاجات ايه
الأكل يابنتى آمال هنأكل الناس ايه 
ناس مين اللى هنأكلهم ياماما الحنة مفيهاش أكل والفرح هيبقى فى قاعة كبيرة
يعنى إيه مش هنطبخ 
هنطبخ لمين اتفاق الحجز بالعشا لكل المعزومين هتطبخى وترميه بعد كدة 
أنا قلتلها كدة مصدقتنيش قلت انتى هتعرفى تقنعيها
كانت هذه هايدى 
والأكل اللى جهزتله والحاجات اللى انا اشتريتها دى 
اركنيها أو خزنيها ياماما مش قضية 
والله انتوا عيال تسد النفس جتكوا القرف 
واتجهت الحاجة هدية للمطبخ أما هدى وهدير وقفوا يتسامروا
أمال جوزك فين مش هييجى ولا ايه 
وهو من امتى جه قال يااختى فى صفقة جديدة بيشتغل عليها بيقول أنها هتنقله نقلة تانية
ههههههههه كل مرة بيقول كدة 
فعلا بس المرة دى فى حاجة مختلفة شوية طول الوقت برة وأن جه بيبقى متنرفز ومتعصب
ربنا معاه
ههههههههه تفتكرى باللى هو بيعمله ده 
على رأيك المهم أمه بعيد عنك انتى قلتى طول ماهو مشغول انتى مرتاحة
على رأيك سيبينا من الموضوع ده تعالى نرخم على البت هدير
يلا
مرت ليلة الحنة بسلام والفرحة تغمر الجميع 
تانى يوم يوم الزفاف اتصلت بعمر لتأكد عليه الحضور 
صعب ياهدى مش هقدر اسيب الحفلة هنا 
يعنى إيه مش هتقدر ده فرح اختى ياعمر 
ماشى ياستى مش معترض احضرى براحتك وأنا هبقى اعتزر لحماتى وهبقى أزور هدير فى بيتها وهجبلها هدية حلوة المهم فى طلب مهم جدا 
ملكش طلبات عندى انت مبتعملش اللى انا عايزاه يبقى مش هعملك اللى انت عايزه
لا ياماما الموضوع ده مفيهوش مناقشة ولا عشان بكلمك بأدب اسمعى كلام نهائى هفوت عليكى الساعة 12 كدة وانتى بفستانك زى ما انتى هتيجى معايا تسلمى على الناس فى الحفلة هنا وتتعرفى بيهم 
حفلة ايه انت بتستهبل اسيب اختى فى فرحها واروح معاك حفلة
أيوة
هتيجى وبعدين يعنى هى من غيرك مش هتدخل ريحى دماغك وبعدين بقولك الساعة 12 يعنى الفرح هيكون قرب يخلص الحفلة هنا هتبدأ 11 يلا سلام الساعة 12 بالظبط تكونى واقفة قدام القاعة عشان مش عايز ادخل وعايز فستان حلو ورقيق كدة
مضت ساعت الفرح ببطئ من قلقها من حفلته هذه فهى تكره طريقته فى التعامل مع الأمور وبالتأكيد كل من حوله يعلمون بشخصيته يعنى مجرد الظهور بصفتها زوجته إهانة علنية لنفسها 
خرجت متأففة فى موعده كما طلب حضر هو الأخر وأبدى إعجابه بما ترتدى كان فستان كريمى بطبقتين أحدهما ضيقة والأخرى شيفون تكسوه كان يحدد جمال جسدها ولياقته بوضوح وطرحة بيج شيفون قصيرة بتلبيسة بلون الفستان 
وفى السيارة قال لها
مش عايز انبهك ياهدى الحفلة دى مهمة جدا بالنسبالى 
ومن امتى بتاخدنى حفلات معاك اصلا مش كنت دايما بتقول أنى مش وش الحفلات دى
من الحفلة اللى فاتت وهم بيسألوا عليكى 
وهم يعرفونى
لا بس كفاية انك مراتى وكل واحد فى الحفلة مع مراته
أه سد خانة وخلاص
يعنى 
بالظبط بس حاولى تتصرفى برقى شوية 
ده على أساس أنى فالجر يعنى 
مقولتش كدة بس أوقات بتبقى صراحتك بوقاحة شوية وأنا مش عايز كدة
والله وحفلتك دى ليه أبسط الأمور اعرف سبب الحفلة 
دى ياستى المسمى العام بتاعها حفلة تعارف بس الحقيقة المطبخ الخاص لكل الصفقات اللى بتتم وكمان الحفلة دى هيكون فيها أكبر مؤسسى المعمار فى البلد وهيحضرها كل المشاركين العرب فى المشاريع دى 
وانت عايز يكون ليك نصيب من الصفقات دى
وحياتك ما هيهدالى بال إلا لما أخد أهم وأكبر صفقة فيهم لازم تكون ليا ولمكتبى بأى شكل
أه فهمت
وصلا للحفلة بدأ بالسلام على كل من يعرفهم وتقديم زوجته لهم كانت متحفظة تماما فى السلام والكلام مع الناس لكن لمجرد أنها وجه جديد فقد لفتت أنظار معظم رجال الحفلة لها والسيدات أيضا وأهم الأسباب أنها قليلة الكلام بل تكاد تكون لا تتحدث أكثر من السلام فقط فهذه ليست بيئتها ولا تريدها
الملاحظ انه يوجد فئة معينة من الحاضرين عدد لا بأس به منهم لا يقترب منهم الكثير يحوطهم البودى جارد من كل مكان حتى زوجها كانت عينيه عليهم يريد الاقتراب بأى شكل لكن لابد من وجود سبب
هم مين دول 
دول الهدف دول اللى الصفقة اللى انا ھموت عليها بتتم بينهم دلوقتى
الجروب ده كله يبقوا أكبر وأهم مؤسسى المعمار فى مصر والدول العربية عارفة ياهدى لو اسم مكتبى دخل فى صفقة واحدة معاهم هبقى ركبت الريح ورجلى مش هتتحط على الأرض تانى
طب فوق بقى لتقع بجد 
أنتى على طول قافلة كدة 
ملكش دعوة بيا وشوف اللى بتشاورلك
هناك دى 
أه دى رقية الصواف طبعا تسمعى عنها ثانية هسلم عليها وارجعلك
وتركها وذهب تمتمت هدر بقولها 
الهى ما يرجعك ټموت انت وهى فى لحظة واحدة 
انسحبت هدى بهدوء حاولت الابتعاد قدر الإمكان عن الجموع والزحمة اتجهت لركن خاص لا يوجد فيه الكثير كان يبدوا كشرفة على طول الحائط تطل على النيل وقفت أمامه تنهدت بحزن على الحال الذى وصلت له مع زوجها 
هدى
التفتت هدى واتسعت عينيها من المفاجأة 
معقول
انسحبت هدى بهدوء حاولت الابتعاد قدر الإمكان عن الجموع والزحمة اتجهت لركن خاص لا يوجد فيه الكثير كان يبدوا كشرفة على طول الحائط تطل على النيل وقفت أمامه تنهدت بحزن على الحال الذى وصلت له مع زوجها 
هدى
نداء باسمها من صوت مألوف صدر عن شخص يقف خلفها 
التفتت هدى واتسعت عينيها من المفاجأة 
معقول
ليش لأ
أنت بتعمل هنا ايه
أنا ايش انتى بتعملى هنا هذى اول مرة اشوفك لكن بصراحة مفاجأة جميلة
لا جميلة ولا وحشة كأنك مشوفتنيش 
إيش تقولى وكيف اقدر وانا ما صدقت 
بعد اذنك وهمت بالحركة لولا انها فوجأت بزوجها أمامها كيف ظهر هكذا فجأة ولم تره اتيا من بعيد 
هدى ايه فى حاجة 
عندما رفع عينيه للواقف أمامه بعدما استدار له 
مش ممكن الامير فيصل أهلا وسهلا يافندم 
أهلا
تشرفنا حضرتك حصل حاجة هدى دايقت حضرتك فى حاجة 
صدمت هدى من كم الخضوع والتحايل التى عليها زوجها مما أصابها بالحرج الجارف من الموقف خاصة أمام هذا الشخص المستفذ بالذات 
لا ابدا هى مدام هدى تبقى 
المدام يافندم المدام بتاعتى وأنا المهندس عمر عبد الفتاح صاحب مكتب Light الهندسى
أه أهلا وسهلا
لاحظ عمر كم نظرات فيصل لهدى التى بدأت تتضايق منها 
هو حضرتك تعرف هدى من قبل كدة 
رفعت هدى رأسها فجأة لفيصل بحركة رفض ايمائية ففهم ما تريد 
لا هذى اول مرة نتعرف رأيتها واقفة لوحدها كلمتها 
ارتدت روحها اليها بعد تصريحه هذا لتفاجئ برد زوجها الصاډم
تدخلت هى فى الحوار أنا تعبانة وعايزة أمشى 
هدى قالها زوجها باستنكار
حصل خير واضح عليكى مدام هدى واكيد راح نتقابل مرة تانية
رد زوجها اكيد أن شاء الله سيادتك 
ثم تركهم فيصل وذهب وتبعه فردى الأمن الواقفين بالقرب منه 
إيه ده انتى اتجننتى فرصة من السما وجت لحدنا تقومى تتصرفى بالشكل ده
فرصة ايه ده بنى ادم ساڤل ده كان بيغازلنى 
واحنا مالنا بأخلاقه المهم العقد وبعدين هنا كله بيجامل كله هتلاقيكى انتى اللى فهمتيها أنها غزل بس مشكلة واضح انه معجب بيكى اكيد هحاول مرة تانية يكلمك
عمر ايه اللى بتقوله ده 
إيه بقول هيحاول يكلمك قلت حاجة غلط بس تصدقى مكنتش اعرف ان سرك باتع كدة أول مرة تحضرى حفلة وأول ما توقعى الامير فيصل بنفسه أكبر راس فى التعاقد كله
أنت اټجننت مش مكسوف وانت بتقول كدة 
ليه هو انا بقولك نامى معاه بس اديله ريق حلو لو جه يكلمك تانى بدل الوش الخشب اللى انتى مركباه ده 
انت فعلا انسان مش ممكن وأنا مش قادرة اسمع اكتر من كدة انا ماشية
فوجئت بيده تقبض على ذراعها بقوة آلمتها
استنى عندك ماشية راحة فين إحنا هنفضل لحد ما الحفلة تخلص وانتى بالذات
عارف لو مسبتش ايدى هصوت واڤضحك فى وسط الحفلة اللى انت فرحان بيها دى
وبنظرة تحدى منها تهاوى هجومه فهو يعرفها جيدا ستفعلها أن صمم أمامها أطلق صراح يدها 
عدلت من هندامها وهى تقول
عارف الحق مش عليك انا اللى استاهل لأنى وافقت اجى معاك هنا وأنا عارفة قد ايه انت أخلاقك واطية واطية ايه انت معندكش أخلاق من الأساس
أنهت جملتها وتركته وذهبت بدأ يتلفت حوله ليتأكد أن كان قد سمعهم أحد أم لا وبنظرة واعدة وصوت اقرب للهمس قال
أنتى عديتى حدودك اوى ياهدى وكفاية عليكى كدة بس الأول أوصل للى انا عايزه
استقلت تاكسى لتعود لبيتها كانت
تتمنى أن تتجه لمنزل والدتها لكن الوقت لن يسعفها لذلك فالساعة تعدت الواحدة صباحا ولا تستطيع العودة لمحافظة أخرى وحدها فى هذا الوقت والساڤل زوجها تركها ولم يخرج معها حتى لاعادتها للمنزل 
وهى فى الطريق رن هاتفها كانت هوايدا أختها 
أيوة ياهوايدا انا كويسة الحمد لله مش ماما قالتلك لأ الحفلة خلصت وخلاص
مروحة انتوا وصلتوا البيت كويس خالد ياهوايدا خدى بالك منه لحد ما اجى بكرة هايدى

صممت تاخده طيب ماشى