رواية رائعه بقلم سوما

عبد الحميد يجلس امام النافذه شاردا بينما تمر تهانى من امامه
عبد الحميد بتنهيده عايزه ايه يا تهانى 
تهاني هعوز
منك ايه يا حسره انا بس مش عجبانى قعدتك كدا ذى المطلقه
عبد الحميد الله يكرمك يا ستى ونظر مره اخرى من النافذه
تهاني هات يا اخويا ٢٠٠ جنيه عايزه اروح اغير لون شعرى 
عبد الحميد انتى عارفه أن المعاش بتاعى خلص من يومين اجيبلك منين
تهاني مليش فيه يا حبيبي انا عايزه فلوس هأخد من مين يعنى وكمان بنتك الشملوله مش بتبعت فلوس تساعدنا بيها على المعيشه الصعبه دى
عبد الحميد حرام عليكى يعنى هو المرتب بتاعها هيقضيها ايه ولا ايه وكمان ما علاء ابنك نايم ليل نهار خليه ينزل يدور على شغل اهو يساعد فى البيت
تهاني يا سلام هو انت عايزنى اشغل ابنى علشان يصرف عليك لا انسى يا حبيبي واعمل حسابك تكلم بنتك تبعتلك فلوس ماشى 
وتركته ودخلت غرفتها فجلس يتذكر رقيه ابنته التى رماها بيديه خارج منزله حتى يرضى زوجته 
فى فيلا كريم
كان كريم قد اطمئن
على ابنته ولم يتركها الا ان نامت فى فراشها وهبط الى غرفه مكتبه واخذ يفكر فى موضوع سلمى وكأنه استدعاها بأفكاره فأنت إليه
سلمى وهى تدق الباب المفتوح ممكن ادخل 
كريم اتفضلى فيه حاجه
سلمى انا عارفه أن حضرتك متضايق من اللى انا عملته بس انا بجد مكنتش اقصد علشان كدا انا همشى بكره من هنا
لا يعرف كريم لماذا ألمه قلبه لفكره ابتعادها عنه ولكنه قال
كريم وانتى فاكره انك كدا حليتى الموضوع لما تمشى حنين هتزعل جامد وممكن تتعب تانى 
سلمى ما انا مش عارفه اعمل ايه وحاسه أن حضرتك بقيت متضايق من وجودى فقولت احاول اقول حل يرضى كل الأطراف
كريم وهو يقف بصى يا سلمى الداده امينه ليها افضال كتيره عليا علشان كدا انا مش عايزك تمشى من هنا غير اما تكملى ٢١ سنه علشان اكون رديت فيها حاجه من اللى دادا امينه عملتها معايا 
سلمى يعنى انا هفضل عايشه هنا مش هتمشينى 
كريم ايوه طبعا انتى هتفضلى قاعده معانا لغايه لما تقولى انا ماشيه 
سلمى بأبتسامه بجد شكرا لحضرتك انا مش عارفه اقول ايه
كريم متقوليش حاجه روحى بس عند حنين علشان متبقاش لوحده
سلمى وهى تتحرك لباب الغرفه حاضر شكرا لحضرتك شكرا 
عندما خرجت ظلت اعين كريم معلقه بباب الغرفه فتره ثم نظر الى صوره زوجته الموضوعه على المكتب امامه
كريم سامحيني مش بأيدى صدقينى مش بأيدى 
بسم الله الرحمن الرحيم
لا تدع القراءه تلهيك عن الصلاه
الفصل الثاني عشر
فى بعد مرور اسبوع
مر الاسبوع ببطء على يوسف الذى كان يتوقع خبر خطوبه رقيه فى كل يوم ومازالت رقيه تقيم مع والدته بينما ذهب هو ليقيم مع طارق حتى لا تخجل من وجوده فى نفس المنزل وبعد انتهاء الاسبوع سافر يوسف وطارق ورقية الى شرم الشيخ لحضور المؤتمر 
لا توجد اى اخبار فى المستشفى عن سميح فقد علمت هبه فى اليوم التالى لزيارتها للحاجة كوثر أن زملائه وجدوا غرفته فارغة ولا يعلم احد اين ذهب ولكن لم يهتم احد بهذا لأن سميح كان يسافر إلى القاهرة دون أن يخبر احد ويعود بعد فترة ولكن هبه كانت تشك أن يكون حمزة خلف اختفاء سميح ولكنها كانت سعيدة لذلك فمهما حدث له يستحقه 
مازالت سلمى تقيم فى فيلا كريم الذي كان يتجنب لقاءها بكافة الطرق منذ آخر لقاء بينهم وزاد حب حنين لها وخاصه بعد مرور فترة مرضها واستعادتها قوتها مرة اخرى واصبحت العلاقه بينها وبين هويدا مترابطة أكثر وأصبح قلقها من إيجاد عمها لها اقل من قبل
العلاقة بين فاطمة وعماد تلاشت نهائيا فمنذ آخر حديث بينهم وبين عبد الجليل لا يتحدث احدهم الى الاخر الا فى أضيق الحدود واستقر عبد الجليل معهم كما اتفقوا حتى يمنع عماد أن يقوم بأى عمل متهور بينما أصبح عماد لا يتحدث مع أى منهم ويخرج صباحا للشركه ولا يعود إلا على النوم مباشره
فى شرم الشيخ
كان طارق ويوسف جالسون يتناولون الإفطار عندما تقدمت منهم رقيه 
رقيه السلام عليكم و رحمة الله و بركاته
طارق ويوسف وعليكم السلام ورحمة الله و بركاته
رقيه استاذ يوسف فيه شويه جوابات لازم حضرتك تمضى عليها
يوسف حاضر اقعدي بس الاول فطرتى 
رقيه بخجل لا لسه
يوسف ازاى يعنى انتى عارفه انك لازم تاخدى الدواء بعد الفطار ازاى مفطرتيش لغاية دلوقتي
رقيه بتوتر من خجلها حاضر انا هقوم افطر اهو 
طارق خليكى قاعده افطرى معانا احنا بردوا لسه مفطرناش 
يوسف ابوه فعلا خليكى معانا بدل ما تفطرى لوحدك
رقيه بخجل حاضر بس هقوم اجيب فطار ليا
طارق وهو يقف لا خليكى انتى انا هروح اجيب لينا كلنا فطار من البوفيه 
بعد ذهاب طارق
يوسف ازاى تقعدى لغايه دلوقتي من غير اكل انتى مش عارفه الاهمال ده ممكن يعمل فيكى ايه
رقيه انا بس نسيت والله مش اكتر
يوسف ماشى سماح المره دى قوليلى صحيح مبسوطه من القعده مع ماما
رقيه بخجل ربنا يخليهالك هى بجد طيبه جدا بس انا بدور على شقه واول ما الاقى هنقل على طول 
يوسف ليه كدا هو فى
حد ضايقك ولا حاجه
رقيه لا ابدا والله بس انا حاسه ان شكلى بقى وحش اوى 
يوسف لا وحش ولا حاجه دا انتى جميله جميله اوى يا رقيه وانتبه لما يقوله وكمان ماما هتزعل اوى لو مشيتى علشان هى حبتك اوى 
رقيه بخجل ربنا يباركلنا فيها يارب 
يوسف وهو ينظر اليها بحب يارب يا رقيه يارب 
فى فيلا كريم 
كانت سلمى تركض خلف حنين ولم تنتبه البركه المياه الموجوده بجوار حمام السباحه ففقدت توازنها وسقطت على الارض سقطه قويه فحاولت حنين افافتها وعندما لم تستطع اتجهت ركضا الى والدها 
كان كريم يجلس مع والدته فى غرفة الجلوس عندما دخلت عليه حنين الباكيه تركض
كريم وهو يقف ويتجه اليها مالك يا حبيبتي بتعيطى ليه 
حنين پبكاء سلمى ماټت سلمى ماټت
هويدا وهى تربت على
رأيها اهدى يا حبيبتي وفهمينا 
كريم وهو لا يستوعب ما تقوله انت بتقولى ايه مين اللى ماټ وفين
حنين وهى تبكى سلمى ماټت عند البسين ماټت ذى مامى 
اتجه كريم وهويدا ركضا بأتجاه البسين ليجد سلمى الممدده على الارضيه بلا حراك فجلس بجوارها أرضا
كريم وهو يرا انها مازالت تتنفس سلمى سلمى سمعانى 
وعندما لم يجد منها ردا حملها واتجه مسرعا الى سيارته بينما هويدا تحاول تهدئة سلمى الباكيه 
بعد نصف ساعه
كان كريم ينتظر خارج غرفه المستشفى حتى ينتهى الطبيب من فحص سلمى وكان شاردا لا يدرى لماذا شعر أن قلبه توقفت دقاته عندما رأها ممدوده امامه بلا حراك اخرجه من أفكاره خروج الطبيب
كريم خير يا دكتور سلمى عامله ايه دلوقتى
كريم بقلق ليه يا دكتور انتى مخبى عنى حاجه
الطبيب لا بس علشان نتأكد أن الشرخ الموجود فى الجمجمه ماثرش على اى من الوظائف الحيويه
كريم طيب ممكن اشوفها امتى 
الطبيب هى دلوقتى فاقت ممكن تدخلها 
كريم ماشى يا دكتور شكرا لحضرتك
كريم حمد الله على السلامه عامله ايه دلوقتى
سلمى وهى تنظر إليه الحمد لله امال حنين فين 
كريم فى الفيلا مع ماما مكانها دلوقتى اطمنها عليكى لانها كانت خاېفه اوى
سلمى انا اسفه 
كريم بدهشة اسفه ليه
سلمى علشان عطلت حضرتك عن شغلك
كريم لا ابدا المهم انك بخير 
كانت هبه تمارس عملها اخبرتها الممرضه بوجود الحاجه كوثر فى مكتبها فأنت اليها مسرعه
هبه وهى تصافحها اهلا بحضرتك عامله ايه
كوثر الحمد لله يا بنيتى وبلاش حضرتك دى جوليلى يامه لو ميضايجكيش يعنى اصل انى والله بحبك كنك بنيتى تمام
هبه ربنا يكرمك يا امى وانا والله بحبك وربنا عالم
كوثر طيب مدام بتحبينى ذى ما بتجولى مبجتيش تيجى حدانا فى السرايه ليه
هبه ابدا والله انا كنت بس مشغوله شويه اليومين اللى فاتوا دول
كوثر ربنا يجويكى يا بنيتى بس دلوجتى تاجى معايا نتغدوا مع بعض 
هبه بخجل بس اصل انا
كوثر لا لو عايزه تزعلينى متجيش انا جايه هنه مخصوص عشانك جولتى ايه
هبه بأبتسام حاضر يا امى من عنيا حاضر هأجى 
كوثر وهى تقف طيب يلا بينا العربيه واجفه بره 
هبه وهى تنظر لملابسها طيب اغير الاول 
كوثر وهى تتأملها مش محتاجه دا انتى جمر كده يلا بينا 
وبالفعل ذهبت معها إلى القصر واستقبلتها تفيده بسعاده 
تفيده اهلا اهلا بست الدكتوره السرايه نورت والله
هبه بأبتسامه تسلمى يا تفيده ده من ذوقك عامله ايه يا قمر 
تفيده بوجه محمر انى جمر ربنا يجبر بخاطرك يا ست الدكتوره
هبه بلاش ست الدكتوره دى قوليلى يا هبه على طول انتى ذى اختى 
كوثر بنت اصول والله يا بنيتى ربنا يسعد جلبك
تفيده اللهم امين ست هبه تستاهل كل خير 
وهنا دخل عليهم حمزه
حمزه اهلا وسهلا السرايه منوره
هبه بخجل منوره بأهلها والله شكرا لحضرتك
كوثر كويس انك جيت يا ولدى علشان نتغدى كلنا سوا
حمزه وهو ينظر لهبه بأبتسامه شكلك يا حجه دعتيلى فى ليله الجدر علشان اجى دلوجتى
كوثر وهى تلاحظ نظراته ربنا يسعد جلبك يا ولدى يارب 
بسم الله الرحمن الرحيم
لا تدع القراءه تلهيك عن الصلاه
الفصل الثالث عشر
فى الشركه 
كانت فاطمة فى مكتبها عندما دخلت عليها نشوى المبتسمه
نشوى انا سألت عليكى قالولى انك هنا
فاطمه وهى تقف لتصافحها اهلا وسهلا اقدر اساعد حضرتك
نشوى انتى مش فكرانى ولا ايه انا نشوى قابلتك قبل كده فى مكتب عماد
فاطمه ايوه طبعا فاكره حضرتك اتفضلى اقعدى
نشوى وهي تجلس أولا بلاش حضرتك دى ثانيا انا اسفه على الحركات اللى كنت بعملها مع عماد معلشى انا عملت كدا بس علشان اشوف رد فعلك لانى كنت فكراكى بنت عمه بس مكنتش اعرف انك مراته علشان كده انا اسفه مره تانيه
فاطمه حصل خير مفيش داعى للأسف
نشوى انتى بجد انسانه محترمه واحده غيرك كانت طردتنى او حتى مقبلتش أسفى بجد عماد محظوظ بيكى
فاطمه شكرا ليكى تحبى تشربى ايه
نشوى لا مش عايزه حاجه انا بس كنت جايه اتأسفلك واعزمك انتى
وعماد على الغدا النهارده 
فاطمه بجد شكرا ليكى بس مش هينفع علشان عندى

مشوار النهارده
نشوى ماشى نعوضها فى يوم تانى يا قمر استأذن انا بقى دلوقتي شكرا ليكى مره تانيه
فاطمه العفو يا نشوى اتشرفت بيكى 
فى قصر حمزه
على مائده الغداء
كانت حمزه يجلس فى منتصف الطاولة وتجلس على يمينه والدته وعلى يساره هبه يتناولون الطعام عندما دخلت عليهم عائشه
عائشه السلام عليكم 
كوثر عليكم السلام تعالى يا عايشه حماتك بتحبك 
عائشه متصنعه الخجل تسلمى يا مرات عمى ونظرت لحمزه كيفك يا ولد عمى وكيف احوالك
حمزه الحمد لله اجعدى يا عايشه اتغدى معانا
عائشه وهى تجلس بجوار
هبه كيفك يا دكتوره منوره السرايه
هبه شكرا ليكى دا من ذوقك
حضرت تفيده ووضعت الطعام الساخن أمام عائشه التى اصطنعت انها لم ترا طبق الشوربه واوقعته على هبه التى صړخت