رواية غزالة بفك الضبع بقلم زهرة الربيع

سوا كلهم في الصالون وشاهر قال .ايه ده هما الضيوف مشيو ولا ايه
سهام قالت بضحك ...ايوه يا عم مشيو ما انت غاطس في العسل مع الغزال
الكل ضحك ومنزر قال...اخس عليك بقى تستغل جمعتنا علشان تستفرد بالمدام
وضحكو تاني ومنى قالت..بس بقى يا ولاد حرام عليكم يمكن طلعو يريحو
راشد قال..اكيد..ما كلو راحه برضو وفضلو يضحكو كلهم 
شاهر ضحك وقال...انتو بتضحكو على ايه والله انتو ما فاهمين اي حاجه
هناء قالت..مش فاهمين ايه بس..ده انت حتي منزلتش البنت تسلم على اهلها وهما ماشيين
شاهر اتنهد وقال...بس بقى انتو هتحفلو عليا ولا ايه
راشد قال ...ولا نحفل عليك ولا حاجه احنا عندنا خبر حلو ومش محتاجين نحفل عليك لاننا هنعمل احلى حفله..مش انا قولتلك هعمل خطوبه حور الاسبوع ده
شاهر قال ..ايوه قولت
راشد قال بفرحه...بس العريس مستعجل وقال..انو هيتجوز الاسبوع ده وحددنا الفرح ومش هتصدق كمان وافق يعيش هنا مؤقتا علشان حور تفضل معانا
شاهر اتفاجأ وقال پصدمه..انت بتقول ايه يا عمي بالسرعه دي..الاول يقول هيعمل خطبه وفجاه يبقى جواز..مش نسأل عليه حتى ده جواز مش لعبه..وبعدين مش لازم ياخدو وقتهم يمكن ميتفقوش و
منى قالت بسرعه..يا بني هما اصلا متفقين وبعدين احنا هنأجل ليه خلينا نفرح بيهم
راشد قال..ايوه انا عايز افرح بيهم وما صدقت اقنعتو يفضل معانا وبعدين احنا كده كده هنعمل فرح منزر فيبقو سوا في نفس اليوم
سهام اتفاجأت كانت فاكره ان مفيش فرح وقفت وقالت...هو..هو انتو هتعملو فرح يا منزر
منزر بلع ريقه بارتباك وقال..هو ..هو يا حببتي ده طلبها هيه و
بس مكملش جملتو وسهام قاطعتو وقالت ..ربنا يكملكو بخير وطلعت على اوضتها ودموعها على خدودها الكل كانو بيبصو لمنزر بحزن وشاهر حط ايده على كتفه وقال..خليك معاه..متسبهاش لدماغها
منزر هز راسو بحزن وراح ورا سهام
في مكان تاني نور دخلت مبني قديم وبيت بسيط واول ما دخلت كانت فيه ست قاعده بتخرط ملوخيه وراجل قال...ايه يا حلوه اتأخرتي يعني
نور قالت پغضب .انا مش نقصاك السعادي ..ومش عايزه اتكلم مع حد..مش كفايه انكم متلقحين في خلقتي ليل ونهار ..ده ايه البلاوي دي
الست قالت ليه كده بس يا حلوه ده احنا بنخدمك برضو
نور قالت پغضب..انا مش عيزاكم تخدموني وركذو كويس ..بعد يومين هيعملو الفرح تلبسو البس الي جبتهولكو وتتصرفو كويس لان المرادي مش هتقابلو منزر وامه بس... لا ده انتو هتقابلو عيلتو كلها واهم حد شاهر الضبع ده بيفهمها وهيه طايره لو حس ان انتو مش امي وابويا هنروح فيها كلنا فهمتو
الراجل قال بضيق..يوووه فهمنا بقى قرفتينا
نور قالت پغضب..القرف ده بتاخد عليه فلوس قد كده على قلبك و
بس نور قطعت كلامها لما تليفونها رن.. ردت وقالت الو
جالها صوت مجهول بيقول..ها يا نور عملتي ايه
نور قالت ...روحت امبارح القصر..وشفتو كان هناك
المجهول قال..ها وحس بحاجه
نور قالت بغرور...عيب عليك
المجهول قال...تمام ..بس اوعي يحسو بحاجه لازم الجوازه دي تتم
نور قالت...متقلقش انا عارفه بعمل ايه كويس الفرح كمان كام يوم وبعدها هنبتدي في خطتنا
في القصر منزر راح ورا سهام واستغرب انها مش بټعيط ابدا ..وقاعده بتتفرج على فيلم عادي جدا
منزر دخل وقال باستغراب...سهام انتي كويسه ..
سهام قالت بابتسامه..اه يا قلبي..انا تمام..عايز حاجه اعملهالك
منزر استغراب وقال..لا..لا ابدا اصلي افتكرتك زعلانه بس الحمد لله انك بخير يعني
سهام قالت ...انا تمام..تعالى شوف الفيلم ده يجنن
منزر قعد جمبها وقال بحزن...متأكده
سهام كانت بتجاهد علشان دموعها متنزلش هزت راسها وقالت..امممم
منزر ابتسم بحزن لانو عارف انها بتكدب 
سهام قالت ودموعها بتلمع في عنيها...لا..مش عايزه 
منزر قال ..مش عايزه تقعدي في 
سهام قالت ...مش عايزه يا منزر..مش عايزه اعيط ..مش عايزه اضعف ولا انكد عليك بقى..خليك بعيد
منزرقال...بس انا بمۏت في ضعفك معايا ..والله غيرتك دي زي العسل بتحسسني بوضعي كده ...مش سهل انا ها
سهام ضحكت وسط دموعها وقالت..لا مش سهل ..مفيش منك..حلو وحنين..وشيك... ورجوله كده...ومغرور
بقلمي...زهرة الربيع
منزر قال بدهشه..مغرور
سهام قالت بضحك...اه بس يعني غرور حلو على خفيف كده
منزر ضحك قال..من حقي اتغر انا بشوف نفسي لانك معايا انتي غروري وثقتي بنفسي وكل حياتي
عند غزال
كانت بتغير هدوم الحفله وقلعت فستانها ومسحت الميكب وقفت قدام المرايه وهيه بتفكر في حاجه بصت لنفسها بتقييم كانت رهييبه
اول ما سمعت خطوات شاهر على السلم جابت علبه كريم مرطب وقعدت على السرير وحاطه السماعه في ودنها بتسمع ميوزك بلامبالاه مصتنعه
شاهر دخل واتجمد مكانو من منظرها قفل الباب وحمحم بصوت عالي قاصد يسمعها بس غزال فضلت مكمله ومهتمتش
شاهر دخل ياخد حمام واول ما قفل الباب ابتسم وقال..طريقه جديده ..بس صعبه... بنت الايه...اثبت يا شاهر اكيد مش دي الي هتلعب بيك
واخد دش وطلع واتفاجأ بغزال بتتمايل على انغام الموسيقى وبتلف بخفه زي الفراشه
بتوتر شديد قال..احم..ايه الرواق ده
كلو انهارده
غزال كملت من غير اهتمام وقالت...دي دروس نفسيه لتعديل المزاج...بغير مودي
شاهر قال ...اااااه...واتقدم عليها وعيونه على كل حته فيها
وقفت وقالت..بتبصلي كده ليه
شاهر شدها وقال ...طب ما نعمل الدرس ده سوا
ونعدل المزاج مع بعض اوعدك هعليلك مودك قد ما تحبي ووووووو
الفصل الثامن
غزال قربت اكتر ول وقالت بهمس ...متأكد انك هتقدر ...اصل انا مش اي حاجه تظبط مودي
غزال ضحكت بخفه وقالت...بكره نشوف مين الي هيغرق التاني تصبح على خير يا....ياشوشو
شاهر ابتسم بسخريه على طفولتها ونام على الكنبه واتنهد وهو بيفتكر جمالها وعيونها.. ابتسم على اسلوبها الخبيث ونام وصورتها قدامو
غزال كانت نايمه وبتفتكر قربو الي بتقرف منو حرفيا وكانت مضايقه انها بتسمحلو يلمسها بس كانت مصره ټعذبو وتوقعو وتهين كرامتو اڼتقاما لاختها
في صباح يوم جديد شاهر قام من النوم بتكاسل وجات عيونه على غزال كانت نايمه فضل يمشي نظره عليها واتنهد بابتسامه وهو بيفتكر حركاتها باليل وقرب غطاها ودخل يستحمى
غزال قامت من النوم لما غطاها وبصت لطيفه باستغراب انو غطاها ومقربلهاش اتنهدت وراحت تاني في النوم
تحت كان منزر لابس بدلتو وشيك جدا وبيشرب قهوتو وكل شويه يبص للساعه بزهق ونزل شاهر وهو بيصفر بلا مبالاه
منزر ابتسم بغيظ وقال...ما بدري يا شاهر باشا....ليه بس تقطع نومتك يا جدع
بقلمي....زهرة الربيع
شاهر قعد على الطاوله وطلب قهوتو وقال...اممم شكلك كده مستنيني بقالك كتير ..راحت عليا نومه
منزر قال..لا يا شيخ مش كتير ساعه ونص كده
منزر ضحك وقال..طيب يلا بينا هاخد القهوه على الطريق
جات منى وقالت...صباح الخير يا شاهر ماشين ولا ايه
شاهر قال ..اه هنروح نشوف الموقع والشغل بقالنا كتير مروحناش
منى قالت..طب تمام وميلت على منزر وقالت..نور زعلانه منك من ساعه الكلام الي قولتهولها هنا..مش المفروض تكلمها بالتليفون حتي وتصالحها
منزر قال بضيق..هيه الي غلطت يا ماما وانا معنديش خلق اصالح حد يلا يا شاهر
شاهر قال پخوف مصتنع...وراك يا ريس ...
منى ضحكت ومسكت شاهر وقالت..كلمو وانبي و
بس قطعت كلامها لما نزلت غزال وقالت...صباح الخير
منى قالت بابتسامه ...صباح الحلويات يا ست البنات
شاهر كان واقف بيبصلها بنظرات اعجاب واضحه كانت قمر طله رقيقه وبسيطه بس تبهر جمالها طبيعي يخطف القلب
منى ابتسمت لما شافت نظراتو ليها وقالت ...انا هروح اشوف هناء بتناديلي
منى مشيت وغزال بصتلو من فوق لتحت وقالت..على فين 
شاهر ابتسم وقال ...معايا شغل في الموقع ...عايزه حاجه
غزال ابتسمت برقه وقربت منو جدا وبقت تساوي الكرافته وتساوي القميص بلمسات رقيقه
شاهر ابتسم وكان قلبو بيدق بسرعه من قربها وغزال قربت اكتر وهمست جمب ودنو وقالت...لو قابلت وليد ..قولو انو وحشني قوي
شاهر اتسعت عنيه بشده وغزال بعدت شويه وبصت على ملامحو الي اتحولت لڠضب رهيب ومسك دراعها بقوه ولسه هيتكلم
منزر زعق وقال..مايلا يا عم الحبيب خلصني بقى
شاهر دفعها پغضب ومشي وهو مش قادر ينسى قربها ولمساتها ومخڼوق من نفسو ومن ضعفو قدامها الي بيخليها تتمادى معاه
غزال ابتسمت برضا لما شافت الغيره الي بانت في عيونه وڠضبو الي مقدرش يداريه وقالت...قربت يا شاهر...قربت اوي
عند شاهر كان راكب العربيه مع منزر وسرحان وبيفتكر جمله غزال ومستغرب نفسو ايه الي مضايقو كده كان ضامم اديه پغضب رهيب وعيونه بتطلع ڼار
منزر بصلو باستغراب وقال..ايه يا ابني مالك.. ايه الي قلبك كده من صفحه الحب لصفحه الۏفيات
شاهر انتبهلو وقال بضيق..بتكلمني انا
منزر قال..لا ده انت في الضياع..امال هكلم الدركسيون يعني هو فيه غيرنا
شاهر اتنهد وقال..معلش يا منزر مكنتش مركذ
منزر قال بسرعه..ايوه ليه بقى..هيه الغزاله بتاعتك زعلتك
شاهر اتعصب لما قال كده وبصلو پحده وقال بانفعال..ايه الغزاله بتاعتك دي.. انت بتعاكسها قدامي ما تحترم نفسك يا منزر و
بس قاطعو منزر لما وقف العربيه وقال پغضب..فيه ايه يلا على الصبح متظبط كده ..احسن أشيل العربيه دي واخبطك بيها على دماغك اعدلهالك
شاهر بصلو بدهشه وقال..تعمل ايه يا حبيبي
منزر خد بالو من جملتو وشاف انها
وسعت منو حبه وقال ..قصدي يعني اخبطك على دماغك باي حاجه مش مهم.. المهم الهبل الي قولتو ... يعني انا هعاكس مراتك مثلا
شاهر اتنهد وخبطو في كتفو بهزار وقال..ياض مش قصدي ما انت عارفني لما اكون مضايق مش بعرف بقول ايه ..حقك عليا
منور اتنهد وقال...طيب..هعدهالك.. علشان خاطر الغزاله بس....وضحك باستفزاز
وشاهر نفخ بضيق ومردش عليه
في القصر كانت سهام بتجهز الاوضه التانيه الي هتدخل فيها العروسه وبتجهز هدوم لمنزر هناك ودموعها على خدها
دخلت غزال وقالت بحزن...سهام..انا ممكن اجهز بدالك خليكي انتي
سهام مسحت دموعها بسرعه وقالت..لا..لا انا... انا تمام..بس كنت ...كنت بحطلو الهدوم الي هيحتاجها..اصل منزر مش بيرضى يودي هدومو مغسله او حد من الخدم يغسلهالو .. بيحب اغسلهالو انا وبكويهم كمان وديما بجهزلو الي يلبسو.. بيحب يلبس على زوقي و
بس مقدرتش تكمل وقعدت على السرير ودموعها بتنزل زي المطر
غزال اتنهدت بحزن وقعدت جمبها وقالت..ايه الي يجبرك على كده يا سهام...محدش يستحمل كده ابدا
سهام قالت بدموع...يفضل الحال ده اهون من البعد
عنو..علي الاقل بټجرح وبيخفف عني بنظره منو لاكن ..لاكن لو سبتو انا ..انا مقدرش يا غزال
غزال اتنهدت وقالت ...انتي بتحبيه قوي
سهام ابتسمت وسط دموعها وقالت..واكتر من كده بكتير ..للاسف بقى ادمان ومبقتش اقدر
اخف منو لاني مش بحاول ولا حتى عايزه احاول
في الوقت ده كان وليد بيتابع مع العمال ووصل شاهر ومنزر 
منزر سلم على وليد وقال..ابو نسب..ايه الاخبار
وليد ابتسم وقال...زي الفل كلو تمام و
بس قطع كلامو لما شاف شاهر وقال ..احم ايه الاخبار في البيت ان شاء الله كلو تمام
منزر ابتسم وقال.. يا عم تمام والي بتسأل عليها تمام
وليد قال قاصد يغيظ شاهر..اهم حاجه الي بسأل عليها متعرفش وحشتني قدا ايه
شاهر كان متأكد انو قاصد غزال وبيغيظه وھيموت من كلامو ..بس عمل نفسو مش مهتم ومنزر ضحك وقال..ايه يا عمنا انا اخوها مش نهدى ولا ايه
وليد ضحك وقال..يا عم نسيت بقى عديها وفضلو يتكلمو سوا وشاهر سابهم وبقى يعدل مع العمال ويشوف الي تم
واستمر الحال لحد باقي الاسبوع على ما هو عليه.. كانت غزال بتقرب من شاهر متعمده وكل ما يحاول يقرب تبعده بطريقه مهينه والغريب ان شاهر كان بيتشد ليها مع كل حركه بتعملها
الوضع في القصر كان زي ما هو بيجهزو ليوم فرح حور ومنزر سوا وكل حاجه ماشيه تمام لحد يوم الجواز
اتعملت حفله كبيره جدا والمعازيم من كل انحاء البلد والاحتفال كان ضخم وكل شيئ منسق
وبعد كتب الكتاب كان منزر قاعد جمب نور الي لابسه فستانة الفرح وكانت جميله جدا بس منزر مكانش بيبصلها كان قاعد بزهق وبيتمنى الوقت يعدي امانور كانت عينها طول الوقت على شاهر وبتبصلو بنظرات غريبه
نفس الحال كان عند وليد كان مضايق من اللعبه الي مش عارف اخرها ايه وبيبص على حور الي كانت قمر حرفيا وكان مضايق جدا انو بيظلمها معاه
سهام بقى قعدت في اوضتها وكانت پتبكي من قلبها وماسكه صوره فرحها مع منزر ومش قادره تنزل وتشوفو بيتجوز
اما غزال بقى كانت قمر الحفله طلعت بفستان يجنن والانظار كلها كانت عليها والكل مبهور بمرات الدنجوان شاهر الضبع الي خطفت كل لانظار ما بين المعجبين والحاقدين
شاهر اتقدم عليها وبقى يبصلها باعجاب شديد مش قادر يخبيه وقال...طالعه تحفه ..حلوه قوي
عزال ابتسمت بضيق وقالت..مرسي..انت كمان مش بطال ..وبصت على وليد قاصده توتره وتضايقو
بعد وقت كان تقيل على قلب الكل انتهى الحفل وكل واحد اخد عروستو وطلع على اوضتو
شاهر كان هيجنن من حركات غزال طول الوقت ونظراتها لوليد وكان حرفيا مخڼوق قلع بدلتو بعصبيه وفضل مستنيها وهو هيطق من الغيظ ومصر يتكلم معاها مهما كانت العواقب
غزال كانت طالعه السلم وهتروح اوضتها وسمعت صوت بكا شديد وكان من اوضه سهام اتنهدت بحزن ودخلت من غير استأذان وقالت پغضب..انتي هتفضلي كده كتير ..هتفضلي تبكي وتتقهري وهما نايمين في العسل
سهام اتنهدت بۏجع وقالت..هعمل ايه يعني يا غزال
غزال قالت بقوه.. اقل حاجه ممكن تعمليها مع الحربايه دي انو يبات معاكي انتي ليله دخلتها
بقلمي..زهرة الربيع
سهام بصت لها باستغراب وقالت..انتي بتقولي ايه ...ازاي ممكن اعمل كده
غزال ابتسمت بخبث وقالت..انا هقولك ازاي
عند منزر كان في اوضتو هو ونور كان بينفخ بتوتر شديد وهو بيفكر في سهام وبيتمني لو قدر يشوفها كانت عنيه على الباب طول الحفله وبيتمني لو يشوفها دقيقه واحده يطمن اذا كانت بخير قال في نفسو..اكيد بټعيط..اكيد يعني و
بس قطع تفكيرو نور لما خرجت من الحمام بق وقربت منو وقالت ...انت..لسه مغيرتش هدومك
منزر وقفها وقال...انا ..انا هغير لوحدي..شكرا...شوفي..احم..انا.... انتي طبعا عارفه انا اتجوزتك ليه و
بس نور قالت ..عارفه..وجاهزه.. وقالت..انت..جاهز خبط جامد 
منزر اتخض من الخبط الشديد وراح يفتح واتفاجأ بغزال ووووووو
الفصل
التاسع
منزر راح فتح واتفاجأ بغزال قدامو واقفه بتوتر استغرب وقال ...خير يا غزال فيه حاجه
غزال قالت پخوف مصتنع سهام يا منزر الحق سهام و
بس مكملتش جملتها ومنزر مستناش حتى يعرف فيه ايه وطلع جري على اوضه سهام وهو مخضوض جدا
غزال سقفت بفرحه زي الاطفال بس اختفت ابتسامتها لما شافت نور مكتفه اديها وبتبصلها بغيظ وڠضب وقالت...اقدر اعرف ايه الي عملتيه ده
غزال قالت بعدم فهم مصتنع..عملت ايه
نور قربت منها پغضب وقالت...انتي هتستعبطي انتي فاهمه اني دخلت عليا حركاتك انتي ومراتو الحربايه..اقدر اعرف حضرتك بتساعديها ليه
غزال قالت بخبث..انا معملتش حاجه بس كل انسان خبيث بيشوف الناس خبيثه زيو وبيخططو ويتأمرو عليه
نور قالت بغيظ..لا والله وانتي تعرفيني من امتى علشان تحكمي وتقولي عني خبيثه شوفتي مني ايه غلط
غزال ابتسمت باستفزاز وقالت..شوفت كتير من اول كلامك واستفزازك لسهام اول ما جيتي القصر لحد ايد جوزي الي مسكتيها وانتي بتاخدي منو الميه ..اوعي تفتكري اني مش واخده بالي لعيونك الي متشالتش من عليه انهارده انا مش غبيه
غزال لسه هتمشي بس اتجمدت مكانها پصدمه لما نور قالت...ده على اساس ان جوزك ده اتجوزتيه عن حب ..وپتموتي فيه
بقى وغيرانه عليه مش كده
غزال بصت لنور باستغراب وقالت..انتي قولتي ايه
..انتي اش عرفك اني مش بحبو
نور ابتسمت بسخريه وقالت..انا اعرف حجات كتييييير تحبي
ابدأ بايه..ابدأ مثلا بابن عمك الي اتجوز حور علشانك ولا بجوزك الي ق اختك...ولا تحبي
تعرفي هو عمل كدا ليه بقلمي ...زهرة الربيع
عند سهام كانت نايمه على السرير واول ما سمعت صوت رجلين منزر الي كان بيجري بسرعه البرق نامت على السرير وبقت تتألم باصتناع
منزر فتح الباب ودخل جري وقال پخوف..سهام مالك ياحببتي ايه الي حصل
سهام قالت وهيه بتتألم بتمثيل ..الحقني يا منزر .الحقني ھموت بطني ..بطني وجعتني قوي اي 
منذر اتخض وقال..طب ايه الي حصل اكلتي حاجه ..ولا برد ولا ايه...قومي نروح المستشفي او الاحسن اطلب الدكتوره هنا ولسه هيقوم سهام مسكت ايده بسرعه وقالت...لا ...لا انا..انا مش عايزه دكتور انت عارف انا بكره الدكاتره
منذر قال بقلق..ايوه يا حببتي بس انتي موجوعه و
عند غزال اتسعت عنيها بزهول من الي سمعتو من نور وقالت بزهول ..انتي..انتي ازاي تعرفي كل ده...
نور ابتسمت وقالت..انا قولتلك انا اعرف كتير...فخليكي في حالك يا شاطره ومتدخليش في الي ملكيش فيه
غزال كانت هتتجنن وقالت ..لا ....لا ارجوكي انتي لازم تفهميني..انتي قولتي انك تعرفي هو عمل كدا ليه ارجوكي تقوليلي
نور ضحكت وقالت...انا قولتهالك قبل كده وهرجع اقولك ..خليكي في حالك ...واتفضلي علشان عايزه انام
غزال طلعت بزهول بتوهان وهيه مش فاهمه ازاي البنت دي تعرف كل الحجات دي وصلت للاوضه ودخلت وهيه شارده ومش مركذه
في الاوضه شاهر كان مستنيها وهيطق من الڠضب وقال بعصبيه...شرفتي يا هانم..ما لسه بدري
غزال اتنهدت بضيق وقالت...مش نقصاك ابدا ..لو معاك اي حاجه عايز تقولها اجلها للصبح
شاهر قال بعصبيه..لا هنتكلم دلوقتي ما هو انا مش هفضل اكل في نفسي وحضرتك حاطه اعصابك في تلاجه
غزال قالت بسخريه..انا اعصابي حطتهم في التلاجه من ساعة ما قبلت اتجوزك واضطر اشوف وشك كل يوم
غزال قالت كده ولسه هتروح الحمام شاهر مسك دراعها بقوه وقال..استني هنا...انا مش هستحملك اكتر انتي فاهمه ولا لا..ولما اكون معاكي في اي مكان وطول ما انتي على زمتي ابن عمك ده مترفعيش عينك عليه...سمعتي ولا اعيد
شاهر كان هيطق من الڠضب بس غزال ضحكت جامد وقربت قالت بنعومه..انت غيران ولا ايه
شاهر بلع
ريقه بتوتر من قربها وقال..لا..لا انا ..انا مش عايز حد ياخد بالو و
بس قاطعتو غزال لما قربت اكتر وبصت لعيونه جامد وقالت بهمس ..عيونك بيقولو غير كده
شاهر غمض عيونه وقال..غزال..انا...انا عايز اقولك..اني ..انا
بس قاطعتو غزال لما قالت بهدوء وهيه بين اديه..انت .حيو..وسا ...ووا.. عايز تضيف حاجه تاني
شاهر فتح عنيه بزهول من قلبتها المفاجأه واتنهد وسابها لما اتأكد انها زي العاده بتلعب باعصابو وبمشاعره مسح على وشو بضيق وكره لنفسو وقلبو الي بينهار قدامها
غزال قالت بسخرية حالتك بقت صعبه يا دنجوان..نصيحه مني خد بالك على قلبك..وفهمو ان الي بيفكر فيه مستحيل لانك مهما مثلت الطيبه هتفضل في نظري حيو و مغ وقا
قالت كده ودخلت الحمام وسابتو وشاهر قعد على السرير بتعب وڠصب من نفسو واعصابو كانت حرفيا مڼهاره محسش غير على دمعه نزلت من عيونه لا اراديا وكانت بمثابه جرس انظار لعقله ...وقف وهو بيحاول يسيطر على نفسو ونام على الكنبه وهو مش حابب يتكلم معاها تاني ولا يهين نفسو اكتر من كده
اما عند حور اول ما دخلو اوضتهم قعدت على السرير وبقت تفك دبابيس الشعر و المجوهرات بتوتر
وليد قال بارتباك..اقعدي قدام المرايه علشان تاخدي راحتك
حور ابتسمت وقالت...وانا هشوف ايه في المرايه يعني
وليد حس بغبائو وقال اسف..انا مقصدش
حور قالت بسرعه..لا..ولا يهمك خد راحتك انا مش بزعل من حاجه
وليد قلع بدلتو وكان واقف بتوتر شديد وحور قالت..ممكن تساعدني معلش
وليد اتنهد وقال..تمام..وفتح السحاب بارتباك
حور قالت ..طيب ..احم..يعني ..ممكن تختار حاجه..يعني على زوقك البسهالك..يعني ماما قالت تختار انت احسن
وليد اتنهد واختار لها بيجامه تلبسها ودهالها
حور ضحكت بكسوف لما مسكتها وقالت..بيجامه يا وليد
وليد قال بحرج .احم..انا..لازم اتكلم معاكي يا حور..شوفي..انا مش هقدر اعمل حاجه دلوقتي يعني..يعني هنام وبس فهماني
حور ضحكت جامد وقالت..ليه ...اخترنا معاد الفرح في يوم مش مناسب في الشهر ولا حاجه
وليد ضحك بحرج لما فهم قصدها وقال..بلاش استظراف..انا قصدي يعني...انا. ...انا يعني ..دلوقتي
حور ضحكت وقالت...بس بس ..اهدي انا بهزر...مش مهم الحاجات دي بتحصل عادي من التوتر و
بس قاطعها وليد وقال..انتي فهمتي ايه يخربيتك..انا تمام...هيه كل الحكايه اني حابب ناخد على بعض في الاول
حور كانت كاتمه ضحكتها بالعافيه وقالت..نتعرف اممممم...تمام
بقلمي...زهرة الربيع
ولسه هتمشي وليد شدها وقال بغيظ...انتي مش مصدقاني ولا ايه..
حور قالت بضحك..ياعم لا..انت واخد الامور على قلبك ليه..انا عندي واحده صحبتي جوزها فضل يتعرف عليها سنه كامله بعد الجواز وكان لذيذ جدا على فكره..وضحكت واخدت البيجامه ودخلت الحمام
وليد كان واقف بزهول من كلامها الي جننو وقال..يابنت ال...بس ضحك بخفه على كلامها وبقى يكمل لبس
عند غزال طلعت من الحمام
بصت لشاهر لقتو نايم على الكنبه ووشو بريئ جدا وهو نايم اتنهدت وفضلت تتأملو وحست بسعاده جواها لما افتكرت قربو ولمساتو وتوهانو قدام

عيونها ابتسمت واحساسها كان جميل بس اتسعت عنيها بزهول لما حست على نفسها ومشيت من