تاني_حب
وقفت تبكي كتير خلف الباب واتمنت انه يرجع ويصالحها لكن امنيتها متحققتش وسمعت صوت باب غرفته وهو بيتقفل.
صباح اليوم التالي نزلت فريدة عشان تروح الجامعه وكانت شهد قاعده بتفطر مع مامتها وكامل.. قربت منهم فريدة وهي بتخفض وشها للارض واتكلمت بصوت حزين صباح الخير
اتعمد كامل انه ميردش عليها ولا يرفع وشه يبصلها و ردت عليها شهد ومامتها.
رفع عينيه وبص عليها لما سمع نبرة صوتها الحزينه لانه مش متعود يسمع صوتها حزين كده.
حاولت انها متبصش عليه وكان كلامها متوجه ل شهد ونظرات عينيها بين شهد والارض.
اتكلمت سميحه مرات عمها بستغراب مالك يا حبيبتي انتي تعبانه ولا ايه
فريدة لا يا طنط انا كويسه الحمدلله.
فريدة هفطر برا مع واحد زميلي هو عازمني على الفطار.
بصلها پصدمة ومامته بصت ل فريدة بذهول كتمت شهد ضحكتها لانها كانت متأكده ان فريدة لازم تعمل اي حاجة تعصب بيها كامل وتجننه.
وقف كامل من مكانه وقرب منها وهو بيتكلم بنبرة حادة هتروحي تفطري مع ميين
ردت فريدة ببرود مع واحد زميلي في الجامعه هو عزمني على الفطار وانا وافقت وبعدين انت مالك بيا انا حره.
بص لأخته وقالها قومي يا شهد عشان اوصلكم الجامعه عشان فريدة تلحق تفطر مع زميلها.
استغربت فريدة من بروده واتحركت قدامه پغضب. ضحكت سميحه وقالتله بينه وبينها براحه عليها يا كامل هي اكيد عايزة تضايقك بأي حاجة عشان تصالحها.. صالحها يا بني عشان خاطري.
كامل بنفاذ صبر يا امي انا مبعملش حاجة في حياتي غير اني اصالحها.
وقف بعربيته قدام الجامعه ونزلت شهد من العربية بسرعه قبل فريدة زي ما كامل اتفق معاها واتحرك كامل بعربيته بسرعه قبل ما فريدة تنزل.
اتكلمت معاه فريدة پصدمة انت رايح فين
رد عليها هعزمك على الفطار برا.
ابتسمت بسعادة لانها فهمت ان كامل هيصالحها وبكده تكون نجحت خطتها.
قعدت فريدة مع البنات في الجامعه وكانوا بيتكلموا في مواضيع مختلفه وفي وسط الكلام عزمتهم صديقه ليهم على حفلة عيد ميلادها وقالتلهم انها هتعمل الحفله في مكان مشهور
