تاني حب

في عينيها اللي كانت كلها خوف وقلبه رق لها وبدأ يهدا شويه وقال
انا عمري ما ازهق منك.
ابتسمت برقه وسألته يعني بتحبني
كامل وهو بيبصلها بعشق اكتر من روحي.
اتكلمت بصوتها الرقيق وهي بتبص جوه عنيه بس انا بعمل مشاكل كتير وانت مش عارف تشوف شغلك بسببي.
رد وهو بيبص جوه عنيها ودقات قلبه بتزيد اكتر مين الغبي اللي قال كده!
فريدة برقه انت.
كامل بعشق انا قولت كده!
فريدة امم قولت. 
كامل انا اسف. 
ابتسمت فريدة بسعادة يعني عمرك مش هتزهق مني 
مسك ايديها وقال بعشق انا عايش عشان احبك وبس. 
اتكلمت بدلع يعني هتسبني اروح الجامعه بالفستان ده النهارده. 
رد عليها وهو بيبصلها بعشق لا يا حبيبتي هتروحي اوضتك تغيريه.. 
واتبدلت نبرة صوته وكمل كلامه بنبرة حادة وتجيبهولي هنا عشان اۏلع فيه بنفسي. 
قلبت شفايفها زي الاطفال طب سيبني اخرج بيه النهارده بس. 
كامل بنبرة حادة يبقى انتي عايزاني اۏلع فيه وانتي لبساه. 
اتعصبت واتكلمت پغضب على فكرة يا كامل انت عمرك ماهتتغير وانا بجد زهقت منك ومن تحكماتك. 
كامل بغيظ وانا زهقت من دلعك ده واحترت معاكي ومش عارف اتعامل معاكي ازاي.. 
ضغط علي دراعها واتكلم بتحذير خمس دقايق وتكوني مغيره القرف ده وتجبيه احرقه بإيدي. 
فريدة خلاص هغيره بس مش هتحرقه
كامل باصرار هحرقه يا فريدة عشان اريحك خالص ومتلبسهوش تاني. 
فريدة طب هلبسه هنا في البيت بس. 
بصلها بتفكير وشاف في عينيها نظرة رجاء
كامل ماشي بس لو فكرتي تخرجي بيه برا البيت صدقيني مش هتردد لحظة اني اۏلع فيه وانتي لبساه. 
فريدة بدلع خلاص متتعصبش عليا تاني. 
اتنهد كامل بتعب روحي يلا غيري بسرعه عشان اوصلكم الجامعه في طريقي. 
فريدة بحماس بس انا اللي اسوق العربيه. 
اتعصب كامل ولسه هيتكلم لكنها جريت بسرعه من الغرفه قبل ما تسمعه وهو بيزعق فيها مرة تانيه.
بعد وقت وصل كامل شغله في النيابه. 
قعد داخل غرفة مكتبه وهو بيدرس قضيه مهمه جدا چريمة قتل فنانه مشهوره وكل الاعلام متابع تفاصيل القضيه ومنتظرين الحكم فيها. 
رن تليفونه برقم مش متسجل اتنهد كامل بتعب واتوقع مشكله جديده من فريدة. سمع صوت رجالي غليظ بيتكلم معاه بټهديد كامل باشا معايا 
كامل بستغراب ايوه مين معايا! 
مش مهم انا مين يا باشا المهم النصيحة اللي انا هقولهالك دلوقتي.. 
ركز كامل معاه بستغراب كمل الشخص المجهول كلامه وقال القضيه اللي انت بتحقق فيها دي يا باشا تخص ناس كبار في البلد والاحسن لك لو نتفق ونقفل القضيه دي من غير ما تزعل حد عشان الناس دول زعلهم وحش اوي وانت مش قدهم. 
كامل قضية ايه بالظبط 
الشخص المجهول الست الممثلة اللي اټقتلت دي.. هي خلاص ماټت والحي ابقى من المېت. 
كامل طب عرف الناس الكبار دول ان مفيش حد اكبر من القانون واي حد متورط في القضيه دي هيتحاسب. 
الشخص المجهول كنت عارف ان دماغك ناشفه بس قولت اجرب معاك يمكن تعرف مصلحتك.. على العموم انا نصحتك وعملت اللي عليا. 
قفل الشخص ده المكالمة وبص كامل للرقم وهو بيفكر مين ورا الشخص اللي كلمه ده وبعت الرقم بسرعه لواحد من اصدقاءه عشان يعرف مين صاحب الرقم والمكان اللي كان بيتصل منه. 
رجع فتح ملف القضيه وبص في الاوراق واقوال الشهود بتركيز وبدأ يراجعها من الاول. 
في نهاية اليوم. 
كانت فريدة في غرفتها ومشغله اغاني بصوت عالي جدا وبترقص زومبا لوحدها على صوت الاغاني. 
وصل كامل البيت وهو مرهق جدا من شدة التركيز في القضيه اللي بيحقق فيها وكانت مامته قاعده في استقباله وبتتفرج على التلفزيون..
قرب منها كامل وقبل ايديها وقعد جنبها يتكلم بأرهاق