قصه جديده

مامستكتهاش من شعرها واخدتي انتي حقك ليه
أزهار بغيظ.... ما انت ماشوفتهوش واقفلي ازاي بالمرصاد لالاا مش ابني الي فوق دا لا الي فوق دا مش ابني دا زعقلي ابني طول عمره ما رفعش صوته عليا ويوم مايرفعه يبقى عشان دي ماشي ماشي وربنا لوريها واطلعه على چتتها ومابقاش ازهار الا لو خليته ېموتها في ايديه ويخليها خدامه تحت رجلي 
صباح بصتلها بغل .... البت دي اخرتها وحشه معايا لا وبادئه شغلها صح كرهته فيكي بس ماشي الصبر بس
عدت الايام من غير اي أحداث جديده تذكر 
افتحي ياختي 
صحيت الصبح على خبط على الباب....حاضر جايه 

صباح بغل....ادلعي ادلعي اي ساعه عشان تفتحي 
بصتلها بعصبيه ....وانتي مالك انتي ادلع ولا لا خليكي في نفسك ياصباح 
صباح بغيظ.... خالتي أزهار بتقولي انزلي عايزاكي 
جاوبتها ببرود....هستأذن من جوزي حبيبي الاول وهو يقولي انزل ولا لا 
صباح بصتلي بكره وزقني ومشيت .... اعوذ بالله من دي واحده
ألو
اي يابلسم حياتي 
ابتسمت بكسوف على حنيته عليا.... مامتك بعتتلي صباح وبتقولي انزل 
سكت شويه وقالي.... عايزه تنزلي 
ابتسمت على صوت الدافئ.....الي انت تقولي عليه بس انا بقول انزل بلاها مشاكل 
صوته احتد شويه.... مايهمكيش حد وماتجيش على نفسك عشان حد حتى لو الحد دا امي بس الي انتي عايزه انزلي واطلعي بسرعه اتلككي انك تعبانه وانا جاي اهو في السكه وهقول أن انا لسا جاي وتعبان ومحتاجك معايا 
ابتسمت بحب .. حاضر 
يحضرلك الخير كله ياقلب نوح من جوا
..
نزلت بقلق وانا قلبي مش مطمن ....ن نعم ياخالتي
بصتلي بشړ..... الا العروسه على أيدها نقش حنه ولا اي لا بقولك اي هتزيدي فيها ولا اي عدل ربنا بيقول أنك انتي وسلفتك تخدوموني ولا تكوني السفيره عزيزه ياختي وانا مش واخده بالي ... انا سبتك الاسبوعين الي فاتوا وقولت عروسه جديده بس دلوقتي ياختي يالا على المطبخ
أسلوبها المتحجر معايا عصبني.... على فكره في أسلوب احسن من كدا ولو كنتي طلبتي باحترام كنت عملت الي انتي عايزاه وبنفس راضيه 
أزهار بغل .... يميل بختك ... قصدك يابنت اني مش محترمه 
لسا هتكلم لقيتها وقعت نفسها وفضلت تلطم وټعيط لحد ما ابنها التاني..... جه في اي يما مالك
انا جريت على فوق عشان ماتوقعتش أن اخوه يجي دلوقتي وانا بعترف اني غلطانه اني نزلت من غير اسدالي وبالطرحه بس 
لقيته بيجري ورايا....رايحه فين يابنت ال انت فكراها سايبه تعالي وشدني من شعري 
..هو فكرني خاېفه منه عشان أمه بس انا جريت عشان البسي ديق ومينفعش يشوفني بيه 
جرني برا البيت وطردني وقفل الباب .... هتفضلي هنا لحد ما جوزك يجي ويشوفله صرفه معاكي
بصتله برجاء.... حرام عليك طب خليني البس عبايه طيب ماينفعش كدا 
لقيته سابني ومشا وكل الي رايح والي جاي بيتفرج عليا واغلبهم بيبصولي نظرات مش كويسه بعد نص ساعه 
شوفت نوح بطلت عياط وقومت وقفت من خۏفي 
نوح اول ما عينه وقعت عليها اتحول وشكله بقى پخوف 
..وجه بسرعه .... انتي انجننتي في عقلك ازاي تنزلي كدا 
كل الاحداث الي حصلت دي عقلي رفضها ومش عارف يستوعبها لقيتني بستسلم لسحابه السودا الي بتسحبني ووقعت بين أيده بس قبل ما اغمض عنيا قولتله ....اخوك الي عمل فيا كدا 
صحيت لقيت بناتي قاعدين جنبي على السرير بحزن اول ما شافوني صرخوا بفرحه ....ماما انتي بخير 
على صوتهم جه نوح بقلق .... انتي كويسه 
هزيت راسي بوهن....انا انا ايه جابني هنا و اي حصل

بصيت على نوح الي مربع أيده وبيبصلهم بتهكم واضح ونقل نظره من أخوه ل أمه ... الي قالت ببرود... ماهي زي القرده اهي اومال قالب الدنيا ليه
زمجر پحده...... أماااااااااا
أزهار بعصبيه.....هو اي الي كل شويه اما اما اي فرحان بصوتك خد في علمك اني اخرت سكوتي دي وحشه وصدقني انا لو اتفتحت فيك هنزعل كلنا وسابته ومشيت ووراها ابنها ومراته
غمضت عنيا بحزن....