اسكريبت لشهد فرج الجزء الثالث
انت في الصفحة 1 من 8 صفحات
انتصرت_بك
اتفضلي يا استاذة سارة ده جوز حضرتك ال جاي يخطب بنت عمي..
وقف احمد ب صدمة ووقفت انا بعدم فهم وانا ببص ل زياد وهو واقف مبتسم وعيونه مليانة نظرات شړ ل احمد..
قربت منه ب خطوات بطيئة مزيبة للأعصاب وهو واقف متوتر وشه إحمر ب شدة حاول يتكلم ويبرر فعلته ولكنها ما عطتهوش اي فرصة رفعت شنطتها وبكل قوتها ضړبته علي وشه لحد ما وقع علي الكنبة..
مخلف كمان...!!
هز زياد راسه ب ايوة ف رجعت بنظري علي سارة
ال بدأت تلف ب نظرها في المكان وانا واقفة اراقب الوضع ب صمت وزياد واقف جمبي وابتسامة مستمتعة مزينة وشه..
اما عند سارة ف ابتسمت ب خبث وهي بتقرب من الطربيزة مسكت كوب العصير و هوب دبل كيك رمته عليه....
احية الكنبة اتوسخت عصير..!!!
بصلي زياد ب تشنج وهي بيمسح علي وشه وبيحاول يكتم غيظه.
بلعت ريقي ب خوف لما قربت مني سارة وعيونها مليانة عداء لحد ما وقفت قدامي وانا بتمني الارض تتشق وتبلعني حالا بالا دي عملت كد في جوزها اومال هتعمل فيا انا اي...!!
انت بستخدمي مسحوق اي...!
ابتسمت ب طيبة عكس ما كانت عليه من خمس ثواني بس واتكلمت بنفس الابتسامة
عندك انا مثلا بحب استخدم برسيل عشان انضف وساخة جوزي..
مقدرتش اكتم ضحكتي ف فلتت مني ضحكة عالية من كلامها..
م... م... س.. ان...
بدأ احمد يتلألأ في الكلام ب توتر ف لفتله ب رأسها ونفس الابتسامة مازالت مزينة وشها ولكنها مش ابتسامة طيبة لا دي ابتسامة مچرم او س..فاح حاجة في الرينج ده
انهت كلامها .
ماما قالتلي بلاش احمد يابنتي ده يكفيك اسمه بس كله نسوان بس انا قولت لا هغيره ياماما قال فاكرة نفسي المانوليزا.
قصدك الموناليزا..!!
صححلها زياد كلام ف بصيتله ب أبتسامة شكرته ورجعت تبرق في احمد ال مازال واقع علي الكرسي والخۏف مالي عيونه وهو بيراقب حركتها..
بالله حاسبي الكنبة بالله امي هتقتلني فيها..
بصت لي سارة ب طرف عينها ف سكت ب خوف
ماخدتش بالي يوه ما اجرمتش يعني...!!!
ابتسامة واسعة ظهرت علي وشي
عندك حق انا اصلا هجيب واحدة غيرها كملي كملي.
غفل احمد سارة و جري لبرة وهو بيتكلم ب صړاخ ف جريت وراه وهي بتتوعدله ب الشړ..
تفتكر هتق له بجد...!!
بصيت ل زياد ب تساؤل وانا براقب خروجهم وهي بتجري وراه ف اتكلم هو ببساطة
لا دي المرة ال 45 ال تقفشه فيها بيخطب او بيتجوز عليها ف تقريبا بقي عندها مناعة خلاص عقبالك ما اجبلك مناعة كد.
شهقت ب فزع لما انهي كلامه وقبل ما اتكلم كان بينضم لينا باقي العيلة وعلي ملامحهم علامات التساؤل ال جم ب خضة لما سمعوا الصوت العالي.
اي ال حصل وفين احمد و...
اتكلم عمي محمد ب تساؤل وقبل ما يكمل كلامه قاطعته ماما بسرعة لما لاحظت الكنبة
الكنبة...!! يالهوي الكنبة مين
ال يجيه داء السل ال عمل فيها كد...
قربت ماما من الكنبة وهي بتتفقد باقي الكراسي ف استخبيت بسرعة وري سليم وقبل ما تتكلم ماما قاطعها بابا
