قصه جديده 7

7
اتفاجئت وعد بزياد نازل من على السلم ونازلة وراه بنت بالعشرينات جميله
صافحها وهو يحاول اخفاء قلقه ويقول خير ياوعد قلقتيني
بس خليتي أعرفك بزينة اختي الصغيرة
احتضنتها زينة وقالت اهلا ياعروسة انتي جميلة اوي كان نفسي اشوفك بس انا كنت مسافرة
ابتسمت وعد وقالت انتي اجمل حمد الله على السلامة
زياد ها طمنيني حصل حاجة
وعد لا متقلقش انا بس عاوزاك بموضوع
قالت زينة انا خارجة هاجري بالجنينة واتمرن فرصة سعيدة جدا ياوعد لينا قعدة سوا
ابتسمت وعد باذن الله
زياد دي بقى آخر العنقود وبتدرس في إنجلترا

وعد لطيفة اوي
زياد مش الطف منك
وعد بجدية بقول لك ايه يا زياد انا عاوزاك في موضوع مهم
زياد بقلق خير قلقتيني بجد
بقلم مرفت السيد
وعد لا ما تقلقش بس عاوزاك تسمعني للاخر زياد انا مش عايزه اضحك عليك انا مش مستعده الارتباط حاليا وبرده مش رافضاك
زياد يعني افهم من كده انك مش عارفه انتي عاوزه ايه
وعد هزت راسها بالايجاب وقالت بالظبط عشان كده قررت ارتاح شويه نفسيا وعقليا من ضغط الشغل ومن موضوعك ومن كل حاجه حواليا واروح مكان منعزل في اجازه لوحدي ولما ارجع باذن الله هكون اخذت القرار الصح
زياد بحزن طيب ما احنا بنتناقش اهو اتكلمي معايا طب انت لما تفكري في موضوعنا لوحدك لو في حاجه شغلاكي ومحتاجه اجابه مين هيجاوبك غيري لان ده موضوعي انا وانتي شاركيني معاكي اقول لك على حاجه انا عندي يا ستي شاليه تعالي نروح سوا نتكلم و شوفي انتي عايزه ايه
وعد اسمعني بس يا زياد انا بجد محتاجه اكون لوحدي زياد انا اللي تعرضت له كثير يمكن بالنسبه لأي حد يشوفني بضحك او عايشه حياتي ما يصدقش ان انا عديت من التجربه دي سليمه الحقيقة انافعلا من جوايا مش سليمه انا محتاجه ارمم اللي اتكسر جوايا اديني الفرصه
انا مش هنكر ان انا معجبه بيك
بس لو سمحت محتاجه اعيد حساباتي انا ممكن بكل سهوله اقول لك يلا بينا نكمل ونتخطب ونتجوز كمان بس ما ينفعش وانا جوايا حاسه اني مش مبسوطه بقراراتي ساعدني وانا مش هنسالك الموقف ده واكيد هيتضاف لرصيدك عندي اوعى تفتكر ان انا متجاهله كل لفتة كويسه عملتها معايا من يوم ما عرفتك كل الموضوع اني مش قادره ابادلك المشاعر
زياد انا عارف انك بنت حقيقيه وكويسه لو انتي بنت مش كويسه هتقولي اكمل معاه عشان غني وبيحبني ومع الوقت احب انا كمان زي اغلب البنات ما بتفكر انما انتي لا
انتي بجد لو روحتي مني هافضل عمري كله زعلان عليكي على العموم انا مقدر انك عاوزه تخلصي من اللخبطه اللي جواكي وانا هستناكي وهستنا قرارك بس ارجوكي عاوزك تفتكري حاجه واحده ان انا بجد بحبك انتي الوحيده اللي خليتيني افكر فيكي واحترمك
ابتسمت وعد وامسكت بيده فنظر اليها مبتسما فقالت على فكره شكرا على الورد كان بيخليني اعدي الايام الي فاتت رغم انها كانت صعبه قوي
ابتسم زياد وقال طب ممكن طلب ممكن تعرفيني انت رايحه فين
نهضت وعد وقالت حتى اخويا ما يعرفش صدقني كده احسن انا عايزه افصل لاعاوزة أتكلم في تليفون ولا اشوف حد ولااتعامل مع حد
رافقها زياد الى سيارتها وامسك بيدها وقبلها برقة وقال هافتقدك بس لازم احترم رغبتك
جذبت يدها برفق وابتسمت وقالت خلي بالك من نفسك
زياد وعد ارجوكي متتردديش تكلميني لو احتجتي حاجه وخلي بالك من نفسك وهاتقل عليكي بطلب تكلميني لما توصلي لا اله الا الله
ركبت وعد سيارتها وقالت حاضر